Video
Read full review
2021-07-07
102 views
孤獨的美食家 (山寨) 第一集夜晚6點幾，放工，全日只係食左早餐，我已經好肚餓。。。即刻去揾野食，之前同朋友係青山道食過野，係鋸扒，好想食，哎哎哎，行到十字路口，呢間鋪名好吸引，睇下價錢，78蚊雜扒，合理，上馬。樓梯上去一樓冷氣已經吸緊我成個人入去，有鋸扒feel，不過加上一班姐姐waiter，有啲擔心，坐低有鐵水壺放枱面，細心加分，餐牌已經係枱面張紙，第一吸引我有限量50呢幾個字，重只係20蚊有吉豬鋸鐵板扒，好過份。問姐姐有冇，已經問我要咩汁，實在係唔想徒時間，加18有飯湯飲，點都要課金，就咁落單。白湯我最愛，點知入面有粟米同磨菇，驚喜。鐵板到，落汁炸炸聲有彈到啲係手，小痛，不過開心。兩件吉豬加粟米甘筍脆瓜，呢到已經係超過20蚊既組合，刀一落，兩份豬排同時入口，佢地已經係我口入面爭寵，要比我知道佢地邊個更好味，好有趣。扒上面有啲乜呢，嘩嘩。。。係我最愛既蒜泥，因為我叫蒜汁，再加一匙羹咁多比我，已經令我想同呢到既廚師結婚。凍檸茶因為叫走甜，茶底放耐左啲，算係我同鋪頭既小吵鬧。最後埋單諗緊，幾多錢呢，咩話，凍飲加5蚊都只係43，呢個數完全令我想即時鼓掌，有單據冇大話，加一都唔洗，呢間鋪令
夜晚6點幾，放工，全日只係食左早餐，我已經好肚餓。。。即刻去揾野食，之前同朋友係青山道食過野，係鋸扒，好想食，哎哎哎，行到十字路口，呢間鋪名好吸引，睇下價錢，78蚊雜扒，合理，上馬。
樓梯上去一樓冷氣已經吸緊我成個人入去，有鋸扒feel，不過加上一班姐姐waiter，有啲擔心，坐低有鐵水壺放枱面，細心加分，餐牌已經係枱面張紙，第一吸引我有限量50呢幾個字，重只係20蚊有吉豬鋸鐵板扒，好過份。問姐姐有冇，已經問我要咩汁，實在係唔想徒時間，加18有飯湯飲，點都要課金，就咁落單。
白湯我最愛，點知入面有粟米同磨菇，驚喜。鐵板到，落汁炸炸聲有彈到啲係手，小痛，不過開心。兩件吉豬加粟米甘筍脆瓜，呢到已經係超過20蚊既組合，刀一落，兩份豬排同時入口，佢地已經係我口入面爭寵，要比我知道佢地邊個更好味，好有趣。扒上面有啲乜呢，嘩嘩。。。係我最愛既蒜泥，因為我叫蒜汁，再加一匙羹咁多比我，已經令我想同呢到既廚師結婚。凍檸茶因為叫走甜，茶底放耐左啲，算係我同鋪頭既小吵鬧。
最後埋單諗緊，幾多錢呢，咩話，凍飲加5蚊都只係43，呢個數完全令我想即時鼓掌，有單據冇大話，加一都唔洗，呢間鋪令我覺得食完要即刻同佢賣廣告。呢一餐好滿足，呢到已經比我入左電腦唔會洗走，長沙灣鋸扒非佢莫屬。
Post