美國燒扒屋 (Closed)

路經禾輋商場，見到呢間餐廳有個12蚊嘅下午茶餐，嚇咗一跳！簡直唔敢相信，香港咁高物價，居然仲有啲咁平嘅下午茶? 於是抱著戰戰兢兢嘅心情， 入去食佢最平嗰個下午茶餐 ~ 鴛鴦脆飽。入到餐廳， 環境有啲擠迫，都是一般茶餐廳嘅裝修。我驚中伏，對個下午茶餐唔敢奢望，餐茶點咗最保險嘅熱檸檬茶。食物上到枱，非常有驚喜，估唔到食物嘅外型唔錯， 包係豬仔包，切成兩半，一邊搽朱古力醬，另 一邊搽奶油，雖然份量唔多，但都ok夠。個包雖然唔係好熱，但個皮都脆脆地。望吓杯檸檬茶，竟然有三大片檸檬，簡直出乎意料之外。以12蚊呢個價錢，食到個咁嘅下午茶，我已經覺得非常超值，唔敢奢望更多，希望餐廳繼續努力， 諗多啲平價款式，仲有唔好咁快加價，等我食多幾餐