Video
Read full review
2016-05-03
2507 views
週四同會計小姐食完餃子，二人就喺利東街o既地下及地庫商場兜咗個圈。行去搭扶手電梯時，已經見到「Brook's Cafe」o既粉紅色櫻花廣告牌 ，告知大眾咖啡店已隆重登場。原來咖啡館就設於電梯口當眼位置。門口有個身穿綠色武士裝束o既鬍鬚叔叔公仔打座飲茶，光鮮可愛，成功吸引到唔少途人行入去望多兩眼 。陳列架上可見店子主要賣綠茶、紅茶、咖啡及茶具。既然自稱得為一間咖啡屋，「Brook's Cafe」當然亦有提供多款熱飲及凍飲o既咖啡及茶品啦！因午飯時間有限，啱啱又食完個餃子餐，XO仔就先試咗杯「特濃抹茶」，每杯$25。特濃抹茶甘香醇厚，濃而不俗，停留喺口腔o既香氣極之怡人 ，小肥只係略嫌一小杯未夠喉，份量如果可以加多兩倍就更加理想 。因為「特濃抹茶」實在可口，眼見店子除咗飲品之外，仲有多款茶味及咖啡味甜品，細佬同會計小姐已立心翌日再黎一試 。二人當真並非下巴輕輕，忙碌o既店員見我地重返亦微笑點頭，態度溫婉友善。食完薯片做午餐，兩口子就一人叫咗個甜筒一解熱氣，降一降溫。 會計小姐要咗個「金箔宇治抹茶軟雪糕」，並大讚雪糕茶味芬芳，微甜香滑且唔溜。細佬嗰個「金箔Dripresso咖啡
原來咖啡館就設於電梯口當眼位置。
門口有個身穿綠色武士裝束o既鬍鬚叔叔公仔打座飲茶，光鮮可愛，成功吸引到唔少途人行入去望多兩眼 。
陳列架上可見店子主要賣綠茶、紅茶、咖啡及茶具。
既然自稱得為一間咖啡屋，「Brook's Cafe」當然亦有提供多款熱飲及凍飲o既咖啡及茶品啦！
因午飯時間有限，啱啱又食完個餃子餐，XO仔就先試咗杯「特濃抹茶」，每杯$25。
特濃抹茶甘香醇厚，濃而不俗，停留喺口腔o既香氣極之怡人 ，小肥只係略嫌一小杯未夠喉，份量如果可以加多兩倍就更加理想 。
特濃抹茶
$25
43 views
1 likes
0 comments
二人當真並非下巴輕輕，忙碌o既店員見我地重返亦微笑點頭，態度溫婉友善。食完薯片做午餐，兩口子就一人叫咗個甜筒一解熱氣，降一降溫。
會計小姐要咗個「金箔宇治抹茶軟雪糕」，並大讚雪糕茶味芬芳，微甜香滑且唔溜。細佬嗰個「金箔Dripresso咖啡軟雪糕」雖然質感同樣柔滑香軟，可惜其咖啡味唔夠濃厚，個人覺得唔及早一日杯「特濃抹茶」咁印象深刻。
金箔宇治抹茶軟雪糕 + 金箔Dripresso咖啡軟雪糕
71 views
2 likes
0 comments
「Brook's Cafe」o既宇治抹茶特飲及甜品美味醒神，小店雖設於地庫商場，人流未必及得上地下多間食店，不過估計通往地鐵o既行人隧道一建好，門外將好快會見到人龍。
Post
