相馬日式火鍋 (Closed)

地方好大又乾淨！今次揀左美國特選牛，唔係最平又唔會太貴，打個邊爐二百幾可接受！第一轉一定會俾齊牛肉、豚肉同雞肉你，之後加就可以選擇要咩肉！牛肉都唔錯，中間有一條根，但完全唔會有影響仲多一種口感👍🏻牛肉本身好薄片落兩三秒就食得啦！另外雞肉同豬肉要控制下個時間唔好太耐，過熟就唔好食啦！而湯底有一人一鍋或幾個人一個大鍋或鴛鴦鍋都可以！今次都係揀左最穩陣「甜鼓油 」，打邊爐既首選，所有食材煲完都會覺得甜甜哋！👍🏻除肉類其他菜類丸類都唔錯，菜都好新鮮，而其中露筍好有驚喜，全部都好鮮嫩，一啲楂都無，真係食唔停！而丸類都有驚喜，大家不妨都試下！