Red Lobster (Fashion Walk) (Closed)

昨晚7:25分用OpenRice 落了外賣自取並跟隨系統指示於30分鐘後到店內拿取食物，一入到去見到有好多份別家外送服務既紙袋放滿食物後我明白佢地應該做唔切，無迫佢快d做好只係詢問進度後到門外等候，但最令人失望既係見到中途有三個walk in 叫外賣既客人，佢地叫完拎埋佢地各自既外賣我果份外賣都未有！我張單好明顯被忽略，而且服務員無主動跟進。等了一個小時後我再上前詢問但得出既結果都係未有，我問點解需要咁耐既時間服務員選擇無視，無回答我既問題，只係不停係服務臺走黎走去。其實漏單我可以理解但點都要交代一下吧？最後有另一名服務員見我還在門外走過來詢問是否要叫外賣，我跟他說了我的情況後他說我的外賣一早預備好了就在服務臺後面。我很好奇為什麼第一名服務員會看不到，我查詢進度又支吾以對，到最後是由另一名服務員發現我果份一早預預好既外賣正正放係服務台後面，而我亦因為咁要係無解釋情況下等左額外既半個多小時。我明白有陣時人手不足可能會製造混亂，但餐廳亦應當好好處理事情，安排充足人手，做好服務，幫忙跟進客人外賣進度，如有漏單情況就應主動跟進，而不是無視客人，要客人一直在外等候不負責任。希望餐廳能好好改善。