SO! BangKok Thai Eatery & Desserts (Under Renovation)

住元朗好友約我lunch，元朗地鐵站 K 出口行5分鐘就到《So!BangKok》泰國菜館以粉紅色為主調，靚靚粉紅色座椅打卡至岩。我們點左泰式”哭泣老虎"燒安格斯牛柳$268，安格斯牛肉鮮嫩多汁色澤嫩紅，配醬汁更美味好吃😋午市超值套餐：有泰式烤粟米、粟米濃湯、飯麵、飲品。點左兩份：泰式蔥油雞扒煎蛋飯$58，賣相靚，雞扒煎得焦香有肉汁，紅黃荷包蛋蛋味香，餐飲：凍班蘭香芋泰式小丸子鮮奶加$28，小丸子夠Q彈芋味香好飲。泰式海南雞飯$68，無骨雞肉嫩滑配泰式甜辣醬更惹味，餐飲：草莓鮮奶椰子奶蓋加$28，奶味足很香滑。