Video
Read full review
2023-05-08
885 views
沙田好運翻新後，多左唔少餐廳。今次呢間火鍋放題，九龍分店喺我收藏清單之一，一直未有時間去。而家進駐沙田區，離自己近左咁多，真係無理由唔去試🙈星期四晚上7點嚟到，餐廳仍未滿座，可以直入；進店後發現餐廳比想象中細，不過座位唔算迫，環境亦乾淨企理。 飲品款式唔多，雖然無自家冷泡茶，不過有熱水同茶包供應。二鍋頭嘅放題玩法，係先任食三款煲類，之後轉湯底打邊爐(注意無得逆轉)。我地先試小辣雞煲，食落無辣度。雞肉本身已經切得幾細件，以先飛水再煮嘅烹調方法，雞肉無入味之餘，仲要煮過龍；肉質好實好硬，好考牙力😑 認真講，唔好食。第二次叫左中辣鴨煲中辣好味好多；配料多左炸支竹，幾好味；臘鴨比鮮鴨多，而且鮮鴨好多都係頸、腳骨果D位，無乜肉食😂 如果要食鴨肉，建議掃QR直接落鴨肉好D。之後我地揀左冬陰功湯底打邊爐(圖中D菜、芋頭、豆卜、南瓜係我地加)湯底偏酸，加上牛肉唔算好肥，所以食到尾都唔會覺得好油膩；不過我就麻麻地淥完D牛帶酸味🤔，如果比我再揀過，應該會揀胡椒豬肚或者沙嗲湯底。套餐我地揀左中間果級$268當日兩款安格斯牛肉都唔錯，兩款都濃牛味😋，中意有咬口嘅可以食封門柳；中意軟身D嘅就揀牛板腱🙊。套餐仲可
星期四晚上7點嚟到，餐廳仍未滿座，可以直入；進店後發現餐廳比想象中細，不過座位唔算迫，環境亦乾淨企理。
飲品款式唔多，雖然無自家冷泡茶，不過有熱水同茶包供應。
二鍋頭嘅放題玩法，係先任食三款煲類，之後轉湯底打邊爐(注意無得逆轉)。
雞煲
16 views
0 likes
0 comments
我地先試小辣雞煲，食落無辣度。雞肉本身已經切得幾細件，以先飛水再煮嘅烹調方法，雞肉無入味之餘，仲要煮過龍；肉質好實好硬，好考牙力😑 認真講，唔好食。
第二次叫左中辣鴨煲
鴛鴦鴨煲
14 views
0 likes
0 comments
中辣好味好多；配料多左炸支竹，幾好味；臘鴨比鮮鴨多，而且鮮鴨好多都係頸、腳骨果D位，無乜肉食😂 如果要食鴨肉，建議掃QR直接落鴨肉好D。
之後我地揀左冬陰功湯底打邊爐(圖中D菜、芋頭、豆卜、南瓜係我地加)
冬陰功湯底
8 views
0 likes
0 comments
湯底偏酸，加上牛肉唔算好肥，所以食到尾都唔會覺得好油膩；不過我就麻麻地淥完D牛帶酸味🤔，如果比我再揀過，應該會揀胡椒豬肚或者沙嗲湯底。
套餐我地揀左中間果級$268
安格斯牛
7 views
0 likes
0 comments
當日兩款安格斯牛肉都唔錯，兩款都濃牛味😋，中意有咬口嘅可以食封門柳；中意軟身D嘅就揀牛板腱🙊。
套餐仲可以點淥十零秒就食得嘅爽彈花枝片👍、有少少骨嘅白鱔片、爽脆又洗得幾乾淨嘅鵝腸👍。
5 views
0 likes
0 comments
海鮮類我仲試左，煮完會勁縮水嘅墨魚仔、好細好瘦嘅BB蜆、痴殼唔太新鮮嘅基圍蝦、無乜肉嘅脆鯇魚腩、無咩味嘅帶子、味道正常偏軟身嘅墨魚滑。
最後自助區仲有蔬菜、丸腸類、公仔麵、響鈴炸魚皮、同埋雪糕等提供。
總結餐廳上菜速度算快，亦無漏單，職員服務態度良好👍。由於自己唔多出街打邊爐，打親都係牛大人，所以好自然會將D火鍋店同牛大人作比較😅。我自己個人覺得呢度嘅煲類真心麻麻🤔，而我地亦有同職員反映，可能之後會有改善；火鍋配料方面真係無牛大人咁多選擇，而且質素亦一般，加上無熟食，兩間7點時段只差$20，二鍋頭競爭力需要有所提升先得。我個人覺得食物方面，二鍋頭同牛大人可以撼嘅，就只有安格斯牛肉。
Post
