百子樓 (Closed)

今晚約埋好友一齊再去呢度食好野傾下心事, 貪呢道唔太嘈可以安安靜靜咁食餐飯, 係屯門區要搵間坐得安安落落又可以坐得夜D既菜館真係冇乜邊間, 一坐底望一望周圍有咩推介, 見到有梅菜扣肉, 嘩~真係唔洗諗, 呢D天氣涼涼地最啱食, 店員亦推介今日D蝦好新鮮, 咁又試下蒜蓉粉絲蒸開邊蝦, 再加個干燒伊麵, 好豐富呀, 睇下餐牌原來有泰式燒雞, 上次黎又冇乜為意, 咁我地即刻叫半隻試下, 店員都溫馨提示話會比較等得耐D, 真係細心, 再講番食物質素先, 梅菜扣肉入口即溶, 好入味, 碟蝦食得出唔係死蝦, D肉好鮮味同彈牙, 個燒雞D肉唔鞋好香既香草味, 干燒伊麵燴得夠晒味, 軟硬適中, 食完D野又唔覺得口渴, 同老闆娘傾計先知, 原來呢度為佐顧客食得健康所以主張唔落味精, 咁健康咁有心既食店, 真係值得推介