原味家作

Open Now

Now Closed

今朝覺得個肚唔舒服，請左半日假，又冇乜胃口食野，連早餐都未食，諗住買碗粥返公司食，諗黎諗去都諗唔到九龍灣德福附近邊度有粥食，後來問一問同事，他提及地鐵站呢間店好似有粥賣，所以故且去睇下，呢間店我都係第一次去，去到見到有一款金銀瑤柱鹹瘦肉粥，價錢都唔係貴，所以買黎試下。返到公司就立即開餐，  碗粥size唔大，佢除左碗粥外，額外有一些菜莆俾你的，咁我就倒埋落去， 但發現碗粥入面其實有乜料响度，唔係好見到有瑤柱，鹹瘦肉仲只係得幾粒肉碎，金銀蛋又係碎濕濕又唔多，成碗粥既料除左個菜莆外，好似唔見有咁，完全唔捨得俾人食咁款，做到咁不如唔好賣啦，碗粥淨係食到鹹味，粥底又稀，食完好似冇食過咁，雖然碗粥只係賣$18，但都唔好做到咁孤寒啦，唔該！經過呢次初體驗後，我對呢間店完全失望，唔會再有下次！