豪隍點心工房 (Closed)

成日聽人講工厦入邊可以食點心，今次就特登搵咗呢間諗住試吓，一去到已經見到有好多人排緊隊，等咗半個鐘到就可以入去。佢哋Menu就係呢兩張，比較好嘅地方就係佢燒賣同蝦餃可以兩粒，如果兩個人去食嘅話呢個選擇都非常不錯，因為平時情侶去食四粒又太多，可以兩粒兩粒叫呢個選擇非常不錯。蘿蔔糕，不過不失。我哋仲叫咗酥炸雞翼，非常不錯，但係唔記得影相。炸雞翼炸到外皮脆入邊雞肉仲好滑，而且有少少南乳味，呢個比較深刻。各款嘅點心都非常大件，好似燒賣咁，每粒燒賣入邊有兩三隻大蝦，略嫌豬肉太大舊，不過明白要做巨點心都會係咁。😆😆全部大大粒😆😆牛肚整得好淋👍🏻👍🏻而且味道好足夠