Video
Read full review
2017-09-28
238 views
前個排同婆婆一齊食左間質素幾好嘅素食餐廳，由牛頭角地鐵站行去大約5-10分鐘，餐廳佔左2樓全層，非常大，食緊個時都不斷有客人入泥，都斷受歡迎，位於大門旁仲有售賣餐廳嘅素食同生活用品。呢個係套餐嘅餐牌，我地叫左4人套餐，選擇真係太多樣樣都想試下，套餐包餐飲同甜品。姫松茸豆腐湯翅味道似酸辣湯，但完全唔辣，魚翅整到好似真咁，味道濃郁，份量多，每人飲完一碗之後仲有淨。一心炒飯炒飯乾身，一粒粒金黃色有咬口，不過因為素食無肉味，略微有啲淡，只係得蛋味。湯餃 8隻雖然得8粒，但每粒都大大粒，有口感，湯餃嘅餡做到好似肉咁。一心pizza從未係素食舖見過有pizza食，所以特登叫泥試下，薄餅底煎得好香脆，加左好多芝士係面，雖然無肉，但落左好多提子乾，味道甜甜地，又配撘得幾好。咖喱鮮蔬素肉腩咖哩味道濃郁，送飯一流。石鍋雜菌茄子猴頭茹石鍋好保暖，雜菌同茄子都煮到好淋，味道偏濃，又係好送飯，肉碎像真度極高。枝竹豆腐素火腩煲火腩係麵筋做嘅，成個煲嘅材料都炆到好入味，又夠保溫，放得耐都係暖嘅。東坡肉係外表上已經贏左，完全做到東坡肉三層肉嘅感覺，不過始終因爲係膠質會比較硬。甜品有紅豆沙同糯米茲。四人晚餐套餐加一後都
呢個係套餐嘅餐牌，我地叫左4人套餐，選擇真係太多樣樣都想試下，套餐包餐飲同甜品。
姫松茸豆腐湯翅
味道似酸辣湯，但完全唔辣，魚翅整到好似真咁，味道濃郁，份量多，每人飲完一碗之後仲有淨。
一心炒飯
炒飯乾身，一粒粒金黃色有咬口，不過因為素食無肉味，略微有啲淡，只係得蛋味。
湯餃 8隻
雖然得8粒，但每粒都大大粒，有口感，湯餃嘅餡做到好似肉咁。
一心pizza
從未係素食舖見過有pizza食，所以特登叫泥試下，薄餅底煎得好香脆，加左好多芝士係面，雖然無肉，但落左好多提子乾，味道甜甜地，又配撘得幾好。
咖喱鮮蔬素肉腩
咖哩味道濃郁，送飯一流。
石鍋雜菌茄子猴頭茹
石鍋好保暖，雜菌同茄子都煮到好淋，味道偏濃，又係好送飯，肉碎像真度極高。
枝竹豆腐素火腩煲
火腩係麵筋做嘅，成個煲嘅材料都炆到好入味，又夠保溫，放得耐都係暖嘅。
東坡肉
係外表上已經贏左，完全做到東坡肉三層肉嘅感覺，不過始終因爲係膠質會比較硬。
甜品有紅豆沙同糯米茲。
四人晚餐套餐加一後都係$565，份量仲好多，仲可以打包。
Post
