ChumChum味 (Closed)

經外賣平台落單。一收到即刻O咗嘴，以為佢送錯嘢。其後親自打電話去問佢係唔係搞錯咗，但佢話係啱喎。成$300嘅韓式豬腳得半盒份量下邊仲要有菜墊底。另外一半係伴菜，但係除咗泡菜正常，原來其他嗰啲全部都係冇醃過，連係咁意用醋浸吓都冇，完全係生食。跟住原來平時食豬腳會夾ge 包飯菜同埋包飯醬都係冇跟埋ge 。都算，豬腳根本就係一早切好，然後攞去番叮，所以啲肉完全係乾爭爭，似柴皮豬肉乾。d皮剩係得色水，但係完全冇味。一d都唔好食，又唔值。見人哋評論話韓國人開，又好似好多人幫襯咁就試吓，點知見面不如文明。喺香港都有啲韓國人開嘅煮韓式豬手同喺韓國食差唔多味，但依間絕對係不知所謂。收得貴唔係問題，食得入口先得㗎。