Video
Read full review
2013-12-07
3531 views
一早預約左同埋order左菜式八餸一湯，全部一般住家菜，以蒸為主，但店家居然煮得一D水準都無，好失望! 我們11個人，八餸一湯如下, 盛惠$2,7951. 松茸雲腿燉雞 - 完全無松茸同雲腿既味道，用竹絲雞，唔夠甜，清到唔清2. 冰鎮豬手 - 味道還可以，正常3. 黑木耳秀珍菇 - 酸酸地，味道係幾特別，但份量就好少，一人得一箸，素菜唔係好貴咋4. 陳皮蒸鮑魚仔 - 好易既一味餸，主要視乎食材是否新鮮，但都係一般，食唔到好鮮甜味道5. 蒜茸粉絲蒸聖子皇- 又係簡單蒸餸，粉絲唔"腍"無汁，硬到打團，蒜茸唔夠，好彩聖子鮮甜搭夠6. 花彫旦白蒸花蟹 - 酒味係夠濃但帶澀味，旦蒸到老曬，得兩隻蟹11個人分，呢到係工廈喎，無裝修無環境，咁既份量同價錢，好難俾你"抵食"咯7. 生炒糯米飯 - 唔熟，煮之前無浸夠時間，我朋友講笑話: 硬過我條命! 最攞命是我地同店家講唔熟，佢竟然將剩低既半碟攞入廚房炒炒又攞出來，我地拒絕接受，最後呢碟退$1048. 瑤柱金菇扒菜心 - 正常味道 (要整到難食應該都唔易)9. 啫啫芥蘭煲 - D 芥蘭又老又苦，我朋友再次發揮佢一貫既幽默: 苦過我條命! 連我地班最唔中
我們11個人，八餸一湯如下, 盛惠$2,795
1. 松茸雲腿燉雞 - 完全無松茸同雲腿既味道，用竹絲雞，唔夠甜，清到唔清
2. 冰鎮豬手 - 味道還可以，正常
3. 黑木耳秀珍菇 - 酸酸地，味道係幾特別，但份量就好少，一人得一箸，素菜唔係好貴咋
4. 陳皮蒸鮑魚仔 - 好易既一味餸，主要視乎食材是否新鮮，但都係一般，食唔到好鮮甜味道
5. 蒜茸粉絲蒸聖子皇- 又係簡單蒸餸，粉絲唔"腍"無汁，硬到打團，蒜茸唔夠，好彩聖子鮮甜搭夠
6. 花彫旦白蒸花蟹 - 酒味係夠濃但帶澀味，旦蒸到老曬，得兩隻蟹11個人分，呢到係工廈喎，無裝修無環境，咁既份量同價錢，好難俾你"抵食"咯
7. 生炒糯米飯 - 唔熟，煮之前無浸夠時間，我朋友講笑話: 硬過我條命! 最攞命是我地同店家講唔熟，佢竟然將剩低既半碟攞入廚房炒炒又攞出來，我地拒絕接受，最後呢碟退$104
8. 瑤柱金菇扒菜心 - 正常味道 (要整到難食應該都唔易)
9. 啫啫芥蘭煲 - D 芥蘭又老又苦，我朋友再次發揮佢一貫既幽默: 苦過我條命! 連我地班最唔中意浪費食物既人都食唔曬，前提仲要係我地全部人來到最後一味餸都一D都唔飽!
家常菜都可以煮到咁，仲要一早order定，大把時間準備，扣左個糯米飯$，人均$240，但連我個女仔朋友都話:好似無食過野落肚咁。
被食評呃左，永無回頭 !
Post