Video
Read full review
2007-10-03
3 views
小肥:今日終於有機會試下呢間burger店啦! 星期日Tea Time去到要等位, 都預o左啦, 我同小肥各叫一個combo, 我要炸魚burger加粟米湯, 大肥要普通o個隻burger但就飲coke, 跟薯角同格格薯share 食, 落完order 都要等叫number先有得食, 等得都算耐, 其實食呢D Fast Food應該要fast D o麻~先講個包, 講真係有D失望, 個包夾住大大塊生菜同件炸魚加大量醬汁, 但個包只係室溫, 我expect 佢賣四十幾個set至少係熱o麻, 件炸魚鯹鯹地, 雖然明知呢D係用急凍魚, 但感覺唔係靚o既魚lo.. 個醬汁有D似麥當當魚柳包, 但呢度o既就冇咁酸lo. 到薯角啦, 因為佢係o岩o岩炸起又最遲到, 真係熱到”辣”嘴, 但除此之外就普通, 係夠薯lo但唔夠脆, 個格格薯就好味好多, 又脆D又夠味D. 最後係我個粟米湯, 一飲覺得好牛油味, 同埋幾甜, 質感係似飲緊奶, 唔會好杰, 唔係就會似飲生粉獻啦! 但粟米少得可憐, 如果多番D會重好.服務方面我就幾滿意啦, D侍應好有禮貌, 同埋唔洗request佢地都比好多包茄汁o架! 對
今日終於有機會試下呢間burger店啦! 星期日Tea Time去到要等位, 都預o左啦, 我同小肥各叫一個combo, 我要炸魚burger加粟米湯, 大肥要普通o個隻burger但就飲coke, 跟薯角同格格薯share 食, 落完order 都要等叫number先有得食, 等得都算耐, 其實食呢D Fast Food應該要fast D o麻~
先講個包, 講真係有D失望, 個包夾住大大塊生菜同件炸魚加大量醬汁, 但個包只係室溫, 我expect 佢賣四十幾個set至少係熱o麻, 件炸魚鯹鯹地, 雖然明知呢D係用急凍魚, 但感覺唔係靚o既魚lo.. 個醬汁有D似麥當當魚柳包, 但呢度o既就冇咁酸lo. 到薯角啦, 因為佢係o岩o岩炸起又最遲到, 真係熱到”辣”嘴, 但除此之外就普通, 係夠薯lo但唔夠脆, 個格格薯就好味好多, 又脆D又夠味D. 最後係我個粟米湯, 一飲覺得好牛油味, 同埋幾甜, 質感係似飲緊奶, 唔會好杰, 唔係就會似飲生粉獻啦! 但粟米少得可憐, 如果多番D會重好.
服務方面我就幾滿意啦, D侍應好有禮貌, 同埋唔洗request佢地都比好多包茄汁o架! 對我呢個茄汁怪o黎講真係好消息!
至於會唔會encore, 我諗就唔會啦, 因為行多幾步去”3個O”會食到更正o既burger, 價錢係貴少少, 但如果呢度都要比四十幾五十蚊個combo, 我又會寧願食番麥當當.
大肥:
小肥成日都話想試哩間freshness burger，今日佢終於得嘗所願啦，等位都等左成差唔多半個鐘，都好耐無試過要企係人地身邊等位啦，就算麥當勞都好似唔係好使等位咁，所以感覺有少少怪同尷尬。到有位坐就拎左個menu黎睇，D包大致上由廿蚊到三十蚊左右，如果要加野飲就另叫，又或者要佢既combo，但就要加廿蚊，我地叫左個炸魚柳包同埋芝士漢堡包，另加兩個combo，一個要pepsi light另一個就要粟米湯，仲有薯角同格薯。小肥個魚包感覺好削，果塊所謂既魚柳真係薄到丫，我個漢堡就OK啦，唔叫得好食，而且個包一D都唔熱，食落塊漢堡扒度既感覺係溫，連暖都去唔到，加上佢上面既生菜同埋蕃茄係凍既，完全減低晒成個食慾，我諗佢真係只係略為比麥當勞無咁機械式咁囉，但佢貴double都有喎，我個人就覺得唔太值，我寧願俾多少少錢行遠少少去食triple O好過喇，起碼人地係成個包都熱架嘛。至於個薯角同格薯都係麻麻地，個薯角真係可以話係垃圾，一D味都無，同食烚薯仔無分別，完全唔好食，而個格薯就好少少，但都偏淡，唔怪得佢要俾好多茄汁啦，阿小肥勁食茄汁都食唔晒佢俾果D，可想而知佢地俾幾多，隨時十包都唔止，好彩哩餐係當食Tea，要求可以低D，否則真係會好後悔，使左差唔多一百蚊食左D連麥當勞都不如既漢堡包。慘!!!
Post