桃園眷村 (Closed)

想試好耐，不過新開通常實多人，但過左一排都唔記得左佢。今日黎開呢頭即管試。黎到見都叫有人呀，不過自行攞位嘅，但都唔難揾位。 3個人，叫左幾樣嘢。燻肉蛋燒餅，不過不失。個燒餅係脆嘅 但係。。。。薄到無朋友，個味就係。。。無乜味。 豬拗蛋燒餅，唔講，係唔覺有蛋嘅，個豬拗好普通，普通到，無乜好形容。而呢個黑糖珍珠豆漿，好在夠健康，因為唔甜，但珍珠無乜黑糖味，珍珠唔夠煙韌。豆漿正常嘅街邊粥店一樣。唯一比較好味嘅，就係飯團，一個肉燥，一個肉鬆，最可取嘅，佢入面有夠類似炸兩嘅物體，夠脆身，同相對夠飽肚。 呢個咸豆漿朋友食，佢話麻麻。整體食唔到台灣風味，好普通，唔怪得無乜人了。