Video
Read full review
2022-01-02
1524 views
話說喺灣仔staycation，朝早起身想食點心，見呢間點心都幾多好評，又喺附近，就走左黎試試佢。我地一行兩人，黎到唔洗等位，侍應姐姐安排左我地兩個坐左喺一張4人枱(兩張細枱拍埋)，叫我地坐住先，有人搭枱就會幫我分番開，咁小店地方細，我都認為冇問題。之後叫野食嘅同時，安排左一個伯伯坐我地隔離，咁我亦立刻向侍應要求加番塊隔板比我，結果叫左成15分鐘，卒之有板比到我，同時我都留意到，唔係每一張枱都有隔板，如果以現在嘅規定，呢度一定唔合防疫規格。Total叫左6樣野食，只得一樣叫做可接受。1) 千島醬脆皮蘿蔔榚首先，個千島醬同蘿蔔榚完全唔夾，唔脆嘅炸粉入面包住2條蘿蔔絲加一pat凍嘅面粉，完全唔知食緊咩，唔明啲點解會有人推介。2) 豉汁排骨陳村粉排骨正常，陳村粉淋過腐竹，一夾就爛，蒸到過哂龍。3) 蜜汁叉燒包，同陳村粉一樣蒸過龍，淋到冇牙婆都妹得到。4) 一哥傳統蝦餃，個餃皮問題一樣，蒸過龍，餃入面有雪水流出黎，應該係蝦膠冇完全解凍就包。5) 龍蝦湯鮮竹卷，正常發揮嘅鮮竹卷，有湯沉住幾juicy。6) 蒜香蝦春卷，基本上所有餡料同鮮竹卷冇分別，蒜香唔知喺邊。埋單$206，唔貴，但完全係貼錢買
我地一行兩人，黎到唔洗等位，侍應姐姐安排左我地兩個坐左喺一張4人枱(兩張細枱拍埋)，叫我地坐住先，有人搭枱就會幫我分番開，咁小店地方細，我都認為冇問題。
之後叫野食嘅同時，安排左一個伯伯坐我地隔離，咁我亦立刻向侍應要求加番塊隔板比我，結果叫左成15分鐘，卒之有板比到我，同時我都留意到，唔係每一張枱都有隔板，如果以現在嘅規定，呢度一定唔合防疫規格。
Total叫左6樣野食，只得一樣叫做可接受。
1) 千島醬脆皮蘿蔔榚
首先，個千島醬同蘿蔔榚完全唔夾，唔脆嘅炸粉入面包住2條蘿蔔絲加一pat凍嘅面粉，完全唔知食緊咩，唔明啲點解會有人推介。2) 豉汁排骨陳村粉
排骨正常，陳村粉淋過腐竹，一夾就爛，蒸到過哂龍。3) 蜜汁叉燒包，同陳村粉一樣蒸過龍，淋到冇牙婆都妹得到。
4) 一哥傳統蝦餃，個餃皮問題一樣，蒸過龍，餃入面有雪水流出黎，應該係蝦膠冇完全解凍就包。
5) 龍蝦湯鮮竹卷，正常發揮嘅鮮竹卷，有湯沉住幾juicy。
6) 蒜香蝦春卷，基本上所有餡料同鮮竹卷冇分別，蒜香唔知喺邊。
埋單$206，唔貴，但完全係貼錢買難受。唔會再幫襯亦唔會推介人幫襯。
Post
