Video
Read full review
2025-01-04
276 views
人生第一個OpenRice 嘅食評就奉獻咗呢度，因為呢間餐廳真係太差！我哋兩個人係喺星期六午飯時間去呢間餐廳食1. 好明顯呢間餐廳完全零注重食客體驗。除非你一個袋都唔拎，否則你入去坐，無論你男定女、高矮肥瘦，食飯時間去一定係迫到你覺得冇空間坐，好似練緊leg day咁，你一分鐘都唔會想坐耐啲2. 明知食飯時間係會將四人枱分為兩邊，餐具就好心放兩邊啦。都係「零注重食客體驗」問題，我哋要飛象過河去另一邊拎餐具3. 食物方面，我叫咗個咖哩牛舌飯。我知呢個唔係主打菜，但都冇理由咁差。成個飯我只可以講係唔凍、係暖，但完全唔係一間餐廳出餐應有嘅熱度4. 咖哩同牛舌完全係分離，即係只係將一啲啱啱煮熟咗嘅牛舌上面淋咖哩汁，所以食落一啲都唔入味5. 我哋叫咗兩個飯，兩個上面都會加沙律喺上面。沙律味道本身ok冇問題，但同個飯係完全唔夾。如果店主有自己食過，冇理由唔發現有呢個問題既然係咁，唔理解點解唔分開兩碗上，飯還飯、沙律還沙律。我淨係諗到一個原因，就係為咗洗少啲碗。即係又係「唔重視食客體驗」問題6. 另一個叫嘅飯係牛舌溫泉蛋飯。冇咖哩飯咁惡劣，但你會感受到佢完全係靠一啲現成嘅汁令到成個飯易入口啲。即係完
我哋兩個人係喺星期六午飯時間去呢間餐廳食
1. 好明顯呢間餐廳完全零注重食客體驗。除非你一個袋都唔拎，否則你入去坐，無論你男定女、高矮肥瘦，食飯時間去一定係迫到你覺得冇空間坐，好似練緊leg day咁，你一分鐘都唔會想坐耐啲
2. 明知食飯時間係會將四人枱分為兩邊，餐具就好心放兩邊啦。都係「零注重食客體驗」問題，我哋要飛象過河去另一邊拎餐具
3. 食物方面，我叫咗個咖哩牛舌飯。我知呢個唔係主打菜，但都冇理由咁差。成個飯我只可以講係唔凍、係暖，但完全唔係一間餐廳出餐應有嘅熱度
4. 咖哩同牛舌完全係分離，即係只係將一啲啱啱煮熟咗嘅牛舌上面淋咖哩汁，所以食落一啲都唔入味
5. 我哋叫咗兩個飯，兩個上面都會加沙律喺上面。沙律味道本身ok冇問題，但同個飯係完全唔夾。如果店主有自己食過，冇理由唔發現有呢個問題
既然係咁，唔理解點解唔分開兩碗上，飯還飯、沙律還沙律。我淨係諗到一個原因，就係為咗洗少啲碗。即係又係「唔重視食客體驗」問題
6. 另一個叫嘅飯係牛舌溫泉蛋飯。冇咖哩飯咁惡劣，但你會感受到佢完全係靠一啲現成嘅汁令到成個飯易入口啲。即係完全冇誠意、技術可言，邊個識煮嘢食嘅人都做到
7. 七十幾蚊一個飯，話貴唔貴，但食客俾出咁嘅價錢，得出呢個體驗真係講唔通。自問真係唔係為鬧而鬧，但呢間餐廳真係影衰晒香港嘅飲食界，完全係侮辱緊食客！
Post