Video
Read full review
2017-07-02
366 views
呢幾日成日落雨，近近地唔想行咁遠，就諗住食下呢間開左好耐既野。住係荃灣咁耐，記得佢一開張既時候d野食都尚算可以，價錢亦不算太貴，就諗住試多一次。入到去見到個餐牌，我同呀媽2個人就就嗌左個雜錦刺身飯同魚切鰻魚飯。點知一上到黎，簡直係到睇我o左咀。首先，個雜錦刺身飯居然得三文魚、雞蛋同青瓜，雞蛋同青瓜既份量佔左個碗既一大半，個賣相完全令我失去食慾。食左第一啖我就已經唔想食，個味道比爭鮮既三文魚飯更差。至於個鰻魚飯更差！簡單可以用災難黎形容！我咁大個仔都未食過咁難食既鰻魚飯！d鰻魚份量唔太多我都唔介意，而佢為左掩飾呢樣野而切到d鰻魚爛曬！個名就叫角切，但係我就真係一個角都睇唔到！而個鰻魚飯又係有成堆既雞蛋同青瓜，都唔知係雞蛋青瓜飯定鰻魚飯。而且d鰻魚肉仲係梅既！仲難食過隔夜用微波爐叮番熱既魚！2樣野入面最好食既就係白飯！感覺比左90幾蚊就係食左2碗用醋撈過既飯，減肥既朋友可以一試呢間野，食番一頭半個月絕對減磅！唔會再幫襯！個侍應服務態度亦都未如理想，個口氣好似想我快d食完走咁。我問佢凍檸茶有冇得走甜，佢同我講：下，凍檸茶冇得走甜嫁wor! 點知佢轉個頭問廚房又話可以。食完飯，同埋單果個疑似老
入到去見到個餐牌，我同呀媽2個人就就嗌左個雜錦刺身飯同魚切鰻魚飯。點知一上到黎，簡直係到睇我o左咀。
首先，個雜錦刺身飯居然得三文魚、雞蛋同青瓜，雞蛋同青瓜既份量佔左個碗既一大半，個賣相完全令我失去食慾。食左第一啖我就已經唔想食，個味道比爭鮮既三文魚飯更差。
至於個鰻魚飯更差！簡單可以用災難黎形容！我咁大個仔都未食過咁難食既鰻魚飯！d鰻魚份量唔太多我都唔介意，而佢為左掩飾呢樣野而切到d鰻魚爛曬！個名就叫角切，但係我就真係一個角都睇唔到！而個鰻魚飯又係有成堆既雞蛋同青瓜，都唔知係雞蛋青瓜飯定鰻魚飯。而且d鰻魚肉仲係梅既！仲難食過隔夜用微波爐叮番熱既魚！
2樣野入面最好食既就係白飯！感覺比左90幾蚊就係食左2碗用醋撈過既飯，減肥既朋友可以一試呢間野，食番一頭半個月絕對減磅！唔會再幫襯！
個侍應服務態度亦都未如理想，個口氣好似想我快d食完走咁。我問佢凍檸茶有冇得走甜，佢同我講：下，凍檸茶冇得走甜嫁wor! 點知佢轉個頭問廚房又話可以。食完飯，同埋單果個疑似老闆既人反映，同佢講d鰻魚肉梅，佢就冇反應，望都唔望我，睇黎佢都清楚自己d野食有少少問題。我寧願係屋企食個公仔面都冇咁嬲，過左一個令人不快既中午！
Post