武士拉麵 (Closed)

有番小小歷史認知既朋友應該都知道前身係agura，係當年無乜拉麵舖既情況下佢都算係聞名好多人去，至於話佢擺脫係件好事壞事，見人見智啦呢Ｄ野。未食之前望落去好濃，呢樣野有復刻到番黎的，而蛋流心度唔錯，但可以入味Ｄ；叉燒偏肥油脂多，香港拉麵叉燒我覺得用肥身既切穩陣，燒香佢令到豬質素普遍低既問題隱藏；而加左Ｄ木耳絲落去成件事亦變得較為居酒風，清淡小小既路線。麵呢個問題係我最擔心既，因為唔係戴有色眼鏡去評論人，好多時見到年輕人係廚房會擔心左先，因為好多時鹼水留係麵度破壞哂個湯，好在今次都隔水隔得好。但係個湯就咸左小小，魚介味雖重，但係調味部分相信落重手左，如果輕手番我相信會係碗常encore既拉麵，因為以尖沙嘴計(唔計佐敦)霸嗎同一蘭我唔鐘意，而一風堂更加唔會揀，尖沙嘴就應該得番呢度可以揀了。