Video
Read full review
2010-05-03
16 views
第一次路經，11pm，多人，心諗應該ok，下次可以試試。是日9pm，見好少人，直入。可惜之前無上嚟做功課，失策！我地兩個人，見有三心兩意，想叫。三款各$13=$39，見圖份量好少。打消念頭，$39可以食龜苓膏啦。改睇豆花，有芒果豆花$25，諗住收得$25，應該同九龍城$26一碗差唔多。好，上枱。芒果汁底加小貓三四粒芒果，汁好深色，相信係雪到差唔多壞，但小弟腸胃好，無"宿"味都照食。諗住一"更"插入片埋豆花一齊食，片到一半水深，上"更"奇怪!!片唔到有"自製豆花"，再片，今次三份二水深。終於片到幾粒豆花碎。 食入口，普通過普通，同埋食唔到豆花味。結論 : 中伏個人估計材料淨值: $6第二款，牛奶凍$25面頭一粒藍莓，無味但起碼唔酸，普通貨色。很實很痴"更"，好重手魚膠粉。相信反轉個碗一個半個鐘佢都會甩出嚟。味道: 牛奶公司奶味結論: 再中伏個人估計材料淨值: $7食完無俾女友話我好去同佢食D咁"甜品"，已經"感恩"最後，個招牌" 心飴"，係好靚。但D甜品實在係無"心"自己反省下啦
是日9pm，見好少人，直入。
可惜之前無上嚟做功課，失策！
我地兩個人，見有三心兩意，想叫。
三款各$13=$39，見圖份量好少。打消念頭，$39可以食龜苓膏啦。
改睇豆花，有芒果豆花$25，諗住收得$25，應該同九龍城$26一碗差唔多。
好，上枱。芒果汁底加小貓三四粒芒果，汁好深色，相信係雪到差唔多壞，但小弟腸胃好，無"宿"味都照食。
諗住一"更"插入片埋豆花一齊食，片到一半水深，上"更"
奇怪!!片唔到有"自製豆花"，
再片，今次三份二水深。終於片到幾粒豆花碎。 食入口，普通過普通，同埋食唔到豆花味。
結論 : 中伏
個人估計材料淨值: $6
第二款，牛奶凍$25
面頭一粒藍莓，無味但起碼唔酸，普通貨色。
很實很痴"更"，好重手魚膠粉。相信反轉個碗一個半個鐘佢都會甩出嚟。
味道: 牛奶公司奶味
結論: 再中伏
個人估計材料淨值: $7
食完無俾女友話我好去同佢食D咁"甜品"，已經"感恩"
最後，個招牌" 心飴"，係好靚。但D甜品實在係無"心"
自己反省下啦
Post