Video
Read full review
2018-12-13
418 views
近排工作壓力大，平時Lunch time都唔會自己一個人去食，但今日好想出去行下食下自己想食既野，但諗左好耐都唔知食咩，於是就去左AEON foodcourt 求其食，見到呢間食上海野既店有我想飲既酸辣湯，而且價錢唔貴，所以就決定食呢間，但估唔到係完美中伏。我叫左一個炸排骨菜飯特餐飲豆漿$43，另加$9配酸辣湯，等左大約5分鐘就拎得，我都覺得奇怪，炸排骨點會咁快，但個賣相又幾靚仔喎，而且阿姐姐服務態度都幾好，又好笑容。拎返埋位首先試個酸辣湯，佢個辣係用豆辦醬既辣，酸都唔夠酸，完全唔係我想食既酸辣湯; 炸排骨係凍既，表面既脆漿已經淋晒一啲都唔脆，無肉汁; 菜飯唔熱，只係微暖，食落口係好淋，完全唔好食，但份量係好足夠既; 豆漿係唯一一樣正常既!! 總括黎講，一定無下次……
我叫左一個炸排骨菜飯特餐飲豆漿$43，另加$9配酸辣湯，等左大約5分鐘就拎得，我都覺得奇怪，炸排骨點會咁快，但個賣相又幾靚仔喎，而且阿姐姐服務態度都幾好，又好笑容。
拎返埋位首先試個酸辣湯，佢個辣係用豆辦醬既辣，酸都唔夠酸，完全唔係我想食既酸辣湯; 炸排骨係凍既，表面既脆漿已經淋晒一啲都唔脆，無肉汁;
菜飯唔熱，只係微暖，食落口係好淋，完全唔好食，但份量係好足夠既;
豆漿係唯一一樣正常既!!
總括黎講，一定無下次……
Post
