樂天皇朝 (利舞臺廣場) (Moved) New Location

一提起8色小籠包，我諗全香港都知道喺邊間有得食，請真，八色小籠包我都食過好多次。因此今日來到銅鑼灣呢間“樂天皇朝”我就唔想食小籠包啦，而係想試下第二啲美點。首先睇中嘅係"蟹粉炒飯"就咁睇個poster，真係好吸引，啲蟹粉差不多有80%鋪曬成個飯麵，實物來了，對比poster入面仲誇張係90%冚住晒，睇都咁吸引，咁食落肚呢？滿滿嘅蟹味充滿成個口腔入面，又濃又香，對一個鍾意海鮮嘅來講係好滿足。“蘿蔔絲酥餅“和“聞香蔥油餅”都係即炸，熱辣辣上台，個皮好香脆。蘿蔔絲酥餅手工亦都非常之好，紋理非常清晰，蔥油餅外表一般，但入面啲蔥，餡料配合得好，味道香口不鹹不淡味道啱啱好。再來個dessert“豆沙鍋餅”，好完滿的一餐。