六十六十火鍋 (Closed)

難得今晚屋企無著落就同細佬落咗樓下滾兩滾就一餐，見到有間晚市都幾多人就入咗去。叫好咗個椰子雞煲底之後好快就上咗鍋，水滾落雞，再水滾等五六分鐘就食得，雞肉夠滑身，而且估唔到店員話個湯底仲可以飲得，飲落有雞嘅鮮味同椰子嘅甜味，差啲飲晒啲湯無得打邊爐。食晒雞之後就跟咗餐牌建議嘅次序落海鮮，見到佢地都幾生猛就即刻放入鍋，蠔同花甲都好大粒，同出面火鍋店食到嘅唔同，其他今次仲揀咗蝦、蟶子同帶子。之後店員見我地食到差唔多就自己慢慢上火鍋料，呢一點真係幾貼心，肥牛係邊爐必食，仲有個人最愛嘅金菇，見到啲餸好放都有啲多，最後都食剩咗少少，下次可以帶多幾個fd嚟食。