Video
Read full review
2016-09-19
2381 views
上世紀工廠林立嘅官塘，喺今時今日迎接另一個高峰。甲級商厦商場填補北移嘅工業，空置廠房紛紛化身健身美容，OUTLET食材店，今晚我又嚟到駱駝漆大厦搵食。 門口只有易拉架同金屬招牌，玄關位設有名為「CORNER」嘅小酒吧，提供兩款手工啤酒、外國啤酒同其他無酒精飲品。不過同食嘢係分開賬目，好似酒吧咁要即時找數，ROUND ROUND清。 手工啤$68/杯/500ml 手工啤口感清爽，1664味淡香甜、BROOKLYN入口帶澀，後勁強勁,配鹹果串燒好MATCH。 店內裝修簡約，開放式厨房，見到厨師即場燒烤。店內抽風系統效率甚高，食完都無煙味黐身。除大堂散枱，餐廳另設兩間VIP房，唔怕笑到忘形嘈親人。燒烤種類都算多，有成62款各式燒烤。店方為每位客人奉上三式調味料，包括燒汁、海鹽同酸汁。燒羊架$48/件羊架慢燒到僅僅熟，表面只係用ROSEMARY調味，燒完再加少量黑椒，再自己灑少少海鹽，咬落非常JUICY,入口鬆化，無渣無羶味，帶少少肥膏，少有高水準燒羊架！燒春雞$125用咗近年大行其道嘅法國春雞，個子小雞味濃，以同樣手法，用ROSEMARY同
上世紀工廠林立嘅官塘，喺今時今日迎接另一個高峰。甲級商厦商場填補北移嘅工業，空置廠房紛紛化身健身美容，OUTLET食材店，今晚我又嚟到駱駝漆大厦搵食。
門口只有易拉架同金屬招牌，玄關位設有名為「CORNER」嘅小酒吧，提供兩款手工啤酒、外國啤酒同其他無酒精飲品。不過同食嘢係分開賬目，好似酒吧咁要即時找數，ROUND ROUND清。
手工啤
$68
26 views
0 likes
0 comments
手工啤口感清爽，1664味淡香甜、BROOKLYN入口帶澀，後勁強勁,配鹹果串燒好MATCH。
店內裝修簡約，開放式厨房，見到厨師即場燒烤。店內抽風系統效率甚高，食完都無煙味黐身。除大堂散枱，餐廳另設兩間VIP房，唔怕笑到忘形嘈親人。
燒烤種類都算多，有成62款各式燒烤。店方為每位客人奉上三式調味料，包括燒汁、海鹽同酸汁。
燒羊架
$48
22 views
1 likes
0 comments
羊架慢燒到僅僅熟，表面只係用ROSEMARY調味，燒完再加少量黑椒，再自己灑少少海鹽，咬落非常JUICY,入口鬆化，無渣無羶味，帶少少肥膏，少有高水準燒羊架！
法國燒春雞
$125
17 views
0 likes
0 comments
用咗近年大行其道嘅法國春雞，個子小雞味濃，以同樣手法，用ROSEMARY同黑椒搽匀雞身，慢燒以免肉汁流失，燒得啱啱熟，用筷子輕輕用力已經骨肉分離，ROSEMARY味道已滲到雞肉之內，少少鹹多多汁，送啤酒一流。
鬆化黑豚串
$58
16 views
0 likes
0 comments
無改錯名！豬肉切成粒粒，肥瘦相間，灑上黑椒粒去燒，本身肉味香濃，我再喺食之前加啲海鹽，又係入口即溶，媲美一口和牛，又係必食之選！
芝士丸鹽燒雞中翼脆卜卜豆卜
65 views
0 likes
0 comments
表面燒得金黃香脆，內藏邪惡芝士，食落彈牙。
鹽燒雞中翼$22/串 脆卜卜豆卜$15/串
雞中翼外皮用鹽燒得香脆乾身，但雞肉仍有雪味;豆卜有少少臭豆腐風味，燒得乾身香脆，索索聲好有口感。
茄子青瓜粟米菠蘿
18 views
0 likes
0 comments
茄子同菠蘿水準一般，青瓜多水但太清淡，粟米尚算清甜。
一口蕃薯秋葵豆角冬菇
18 views
0 likes
0 comments
冬菇豆風都屬一般水平，秋葵外脆內嫩，風味獨特、一口蕃薯軟糯香甜，當甜品食都得。
食物水準中上，尤以羊架燒雞特別出色，希望下次有機會試海產，所以今次只係食到半個鮮字，另外嗰半鮮唯有下次再儃過喇。
Post
