Him’s (中海日升中心) (Closed)

長假期就放完啦，之後要等到復活節先再有長假期…仲有幾個月，好慢長呀(｡ ́︿ ̀｡)上星期返工打算飲茶食個開年飯，點知去到酒樓爆多人，今日再接再厲，點知都係一樣甘多人(｡ ˇ‸ˇ ｡)最後行左去中海日升求其搵間餐廳食😂.呢間餐廳食過幾次，餐牌固定無轉🤔每次食都係同一個餐牌haha，款式都算多，定價有少少進取，味道就正常發揮.招牌9oz 肉眼牛扒配薯菜或飯(日式燒汁） $108午餐會包一碗餐湯，可以選擇麵豉湯或西湯，唔想飲湯亦可以選擇沙律。牛扒大塊，肉質幾淋，薯菜係南瓜薯餅脆卜卜幾creamy，好少薯菜係配薯餅耐唔係薯條，唔錯唔錯！(因為我鐘意食薯餅haha)