榮少喇沙 (Closed)

又話疫情嚴重😒，星期日想出街揾食，但處處人頭湧湧😤，已經餓到死🤤，行過幾間心儀食肆禁張飛都要等十幾張枱😑，唯有亂打亂撞揾間唔駛點等🤏。無錯，我揀榮少喇沙因為我等兩張枱✌️，可能係位置問題，唔係遠只係要向後行先到，可能因為咁啲人唔識行過嚟揾食💔。榮少喇沙係主打新加坡/馬來西亞食物。麵食🍜，飯類🍚係主打，另外有啲小食選擇🥢，款式唔算多。所以我都揀返新加坡/馬來西亞主打食物😌。💎 珍寶喇沙有豬軟骨，肥牛，魚旦，魚片，龍蝦丸，花枝丸，雞蛋半隻，麵類選擇咗米粉。人如其名，材料豐富。湯底有蝦香味，喇沙及咖哩香料味足，椰香同辣味不算勁，正正因為咁，反而想一啖湯一啖麵咁食到底。💎 馬來西亞茶材肉骨茶麵個名有少少怪，我懷疑個餐牌打錯字。但講返個麵先，有四條排骨，半隻蛋，麵類方面選擇咗油麵溝米粉。排骨份量算多，咬後感有少少硬，湯底嘅藥材味感覺似係馬來西亞混合新加坡嘅改良版，但整體感覺良好，想連湯都飲埋。油麵溝米粉出奇地夾，食一啖麵同時有兩種口感。💎 肉燥四季豆炒過嘅四季豆再淋上肉醬，肉同豆嘅份量都多，味道不俗，只係奇怪點解會用呢個制作方法，但以$15呢個價錢嘅小食都係值。💎 咖央油炸鬼被個名吸引而叫，油炸鬼