千両 (九龍酒店) (Closed)

行完誠品有啲肚餓，係時候呼喚我食lunch。早兩日係旺角食完手卷心掛掛好想食壽司，今日一個人黎千両食個set lunch都唔係好過份😋Set lunch有壽司，飯及烏冬定食，便當，種類繁多。我呢啲大食既梗係揀万両定食啦😎壽司飯香軟可口，完全唔冰冷，淨比壽司飯已經分數幾高。三文魚壽司新鮮厚實，吞拿魚油油亮亮有彈性，新鮮度高。油甘魚香甜充滿口中，鰻魚相當驚艷，入口即化，皮滑脂豐富。赤蝦彈牙肥潤，相當滋味。旁邊蕃茄酸甜清新，唔會因為係配角而隨便。