Video
Read full review
2019-08-29
91 views
在天后的住宅區內，有一間隱世不起眼嘅私房菜，朋友去過後讚口不絕，愛好四處尋覓美食嘅我又點可以錯過呢！今晚約埋幾個朋友一齊黎試下。餐廳招牌寫住The Key Gourmet Studio，好容易會行過龍走漏眼。餐廳平日會開班教授烹調菜式，晚上先以私房菜形式運作，而且每晚只招呼少量客人。餐廳環境佈置令人尤如置身於豪宅嘅開放式廚房中，感覺好特別。一坐低就開左枝紅酒🍷，$300價格合理。廚師推介$650嘅5 course dinner，之後就可以欣賞到廚師即席為我地準備每一道精緻嘅菜式。前菜係什錦玫瑰油醋。每種蕃茄嘅生熟程度各有不同，味道由微酸去到鮮甜，色彩繽紛，配上芝士食非常開胃。湯係以時令蔬果製作成嘅凍湯，包括青瓜、提子、青蘋果、牛油果同埋桃，味道清甜。主菜一係香煎刺身帶子伴黑松露。帶子兩面輕微煎香肉質香軟，雞髀菇造成帶子嘅形狀十分有心思，而且煎得好香，口感同味道都一流。主菜二係香煎西班牙黑毛豬鞍扒，採用左梅頭肉部位，豬肉肥瘦適中。約五成熟嘅豬鞍扒煎焗得好軟腍，豬肉香味濃郁。伴碟嘅係加入左海苔粉嘅西蘭花泥。甜品係以cream cheese,鮮忌廉同薑汁打成嘅mouse配豆腐花，口感好flu
餐廳平日會開班教授烹調菜式，晚上先以私房菜形式運作，而且每晚只招呼少量客人。餐廳環境佈置令人尤如置身於豪宅嘅開放式廚房中，感覺好特別。
一坐低就開左枝紅酒🍷，$300價格合理。
廚師推介$650嘅5 course dinner，之後就可以欣賞到廚師即席為我地準備每一道精緻嘅菜式。
前菜係什錦玫瑰油醋。每種蕃茄嘅生熟程度各有不同，味道由微酸去到鮮甜，色彩繽紛，配上芝士食非常開胃。
湯係以時令蔬果製作成嘅凍湯，包括青瓜、提子、青蘋果、牛油果同埋桃，味道清甜。
主菜一係香煎刺身帶子伴黑松露。帶子兩面輕微煎香肉質香軟，雞髀菇造成帶子嘅形狀十分有心思，而且煎得好香，口感同味道都一流。
主菜二係香煎西班牙黑毛豬鞍扒，採用左梅頭肉部位，豬肉肥瘦適中。約五成熟嘅豬鞍扒煎焗得好軟腍，豬肉香味濃郁。伴碟嘅係加入左海苔粉嘅西蘭花泥。
甜品係以cream cheese,鮮忌廉同薑汁打成嘅mouse配豆腐花，口感好fluffy。加入焦糖果仁，口感非常豐富。
Post
