東寶小館 (Moved) New Location

嚟東寶食飯記住要一早打電話去訂枱，唔係嘅話就會好似我哋咁要等成一頭半個鐘先至有位。晚上餐廳座無虛席， 四周圍都相當嘈吵，非常熱鬧。 中英日文對照嘅餐牌選擇十分繁多， 有成幾百款菜式，令人眼花繚亂，我哋好唔容易先揀到幾款心水菜式。首先就有菜名充滿着'邪惡'色彩嘅敗家仔炒飯。 但是分量和用料一點也不邪惡，灑在面頭嘅瑤柱絲好多， 幾乎每一口都可以吃到蝦肉和帶子， 整個炒飯炒得恰到好處，食落一D都唔會覺得油膩，味道和囗感剛好。 這碟炒飯起碼足夠四個人吃， 而且可以吃得很飽呢!接着點嘅啫啫雞煲火喉相當十足， 上菜時啫啫聲響，散發出一陣陣充滿著燒烤味嘅白煙，令人食指大動。雞肉口感肥美，又炆得入味， 唯一不好的地方只是味道有一點兒咸， 整體上還不錯。最後一道一定要推介嘅係蟹粥，香滑嘅粥底加入螃蟹， 味道相當清甜。 蟹嘅肉質很豐厚和新鮮，還帶着一層層嘅蟹膏，這可算是我吃過最好吃嘅一道蟹粥。雖然食物質素相當好，但環境就不是所有人都能夠接受。到了八時多，食店便會大開喇叭播歌，而一大班食客繼而聞歌起舞，情緒十分高漲，吵耳得很。假如你喜歡熱鬧，這當然沒有什麼大問題，而且更可以融入其中。然而你希望找個比較靜嘅環