清溪川韓國配菜

Open Now

Now Closed

紅磡一向有唔少食街，呢間位於湖光街中間嘅清溪川雖然鋪頭細細，但都有好多堂食同外賣客，lunch hour想坐低都要預返少少時間🙈等咗20分鐘後有位，即刻叫個人參雞湯試試($60)，見到韓國老闆娘好用心招呼客人、打理樓面👍🏻大大碗湯熱辣辣嚟到，估唔到真係有好多雞，以為煲咗咁耐一定好柴，但竟然仲有少少嫩、唔會覺得咬緊紙皮🤣而且成舊雞都煮到骨肉分離，一咬就撕得開真係好正🥰亦因為咁所以有唔少碎骨，雖然啲骨其實都煮到咬得爛，不過食嘅時候最好都係小心啲😛湯頭冇咩人參味，反而係濃郁嘅雞湯，又唔會太杰身或者太膩，所以就算食曬啲飯齋飲都好正😋每人都有兩款前菜 - 泡菜同芽菜，味道質感都係預期中😌