包販子 (Closed)

前幾日開車經過見到呢間鋪頭個名咁得意，即刻就想OpenRice睇下呢間野度定係食乜。哦原來係賣包既，我心諗咁得意嘅食個下午茶奶醬多加杯嘢飲都要$4x至$5x，有冇貴左少少呀。再睇多兩睇咪見到佢原來出名係買北京填鴨包，咁就諗下次經過試下啦。等到喇，星期六同中學同學大約兩點到達，已經見到全場爆滿，喺我哋前面都仲有四五台客，咁應該都仲要等一下。等位個半個幾鐘嘅時間，都陸續見到好多人入黎攞飛等位。呢段時間梗係望下啲人食乜嘢多啦，基本上大部份嘅都係食包，我見到今日推介嗰度呢有最新嘅麻婆豆腐包，呢個夠晒騎呢，所以我冇打算叫。試新野真係試下啲人人話好嘅先啦，如果人哋話好嘅你都覺得唔好食嘅，咁下次就唔使去啦。好啦終於到我有位啦，我哋分別帶咗杯朱古力啦污糟咖啡（見佢個名古古怪怪咪試下）然後帶咗兩個包，我對面枱嗰個客呢就叫咗個意粉，睇個樣都幾唔錯，隔離嗰台客呢就叫咗個咕嚕雞包，後面幾台客呢就叫咗鋪頭最出名嘅西多士。友人叫既朱古力呢個就係我嘅污糟咖啡啦，幾香！炸薯條，不過不失啦。不過如果有炸番薯條或者有黑松露醬會好啲囉。牛油果軟殼蟹包，因為係即整嘅所以都等得幾耐下。唔知點解我覺得佢哋個包呢，個質感係唔實在嘅