Video
Read full review
2008-09-08
53 views
奧海城既大食代(Food Republic)終於開業,可能因為新,所以真係好多人黎,尤其間台式板燒,排晒長龍!睇勻咁多間,我鍾情於客家爺爺Express,雖然只係客飯套餐,睇落普通,但係除左白飯之外,有雙色飯(紅米加白米)同埋南瓜飯可揀,很合我意。點左一個瑤柱肉碎粉絲蒸蛋套餐, 瑤柱肉碎粉絲蒸蛋用一個砵裝住,比想像中大,份子好多,可以食到好飽,蛋味十足,粉絲多,肉碎份子適中,但係…無瑤柱…我揀左雙色飯,好香,好好味,唔硬,一食就停唔到,有一大碗,全部都俾我死晒,所以真係可以食到好飽!不過如果多點紅米更好!仲有一個中湯,係粉葛湯,有豬肉有粉葛有豆,味道清清地,都唔錯!我會再試呢間!
睇勻咁多間,我鍾情於客家爺爺Express,雖然只係客飯套餐,睇落普通,但係除左白飯之外,有雙色飯(紅米加白米)同埋南瓜飯可揀,很合我意。
點左一個瑤柱肉碎粉絲蒸蛋套餐, 瑤柱肉碎粉絲蒸蛋用一個砵裝住,比想像中大,份子好多,可以食到好飽,蛋味十足,粉絲多,肉碎份子適中,但係…無瑤柱…
我揀左雙色飯,好香,好好味,唔硬,一食就停唔到,有一大碗,全部都俾我死晒,所以真係可以食到好飽!不過如果多點紅米更好!
仲有一個中湯,係粉葛湯,有豬肉有粉葛有豆,味道清清地,都唔錯!
我會再試呢間!
Post