T4 清茶達人 (Closed)

最近香港掀起一股台式手搖飲品店熱潮 我就梗係要周圍試下啦 最近公司附近開咗一間叫t4嘅連鎖飲品店 聽講係台灣嘅過江龍 於是就約埋朋友一齊去試經過時候店員都會喺門口派一杯仔試飲味道唔錯 裝修用咗清新嘅tiffany blue 同埋白色 有文青嘅感覺 我哋分別買咗 葡萄柚清茶 琥珀珍珠鮮奶 香芋冰奶昔葡萄柚清茶有淡淡嘅西柚味 比人感覺係喺田園入面野餐一樣 茶味唔濃 成功做到唔會有太搶嘅感覺琥珀珍珠奶茶就係最近大熱嘅黑糖珍珠鮮奶 呢度嘅琥珀珍珠奶茶特色之處就係可以選擇唔同嘅甜度 非常客製化 叫咗小甜但飲落去都幾甜 仲有焦糖嘅味道 感覺養生 眼見佢用明治鮮奶去沖 成本好高 而且珍珠咬落煙韌 飲完勁飽肚香芋冰奶昔有啲驚喜 佢係集於芋頭蓉同埋紫色嘅香芋珍珠奶茶 在於一身 不過味道都係偏甜 等沙冰融化後飲就啱啱好