Video
Read full review
2022-12-23
10 views
Dinner Set 好抵食，非常豐富，包括自助沙律吧+前菜+主食+飲品，適合情侶們同埋一家大細喺普天同慶嘅聖誕佳節前往品嚐！我哋去嗰日都見到隔籬枱，有好多爸爸媽媽帶住小朋友去食，另外都有啲情侶慶祝聖誕節，氣氛好溫馨融洽！👨👩👧👦👨👩👧👧👨👩👦👦👩🏻❤️💋👨🏻👩🏻❤️👨🏻呢度環境好別緻，燈光調暗後，成個氛圍都變得好浪漫。每張枱上面有花裝飾同蠟燭，加上枱與枱之間嘅空間都好足夠，好適合客人一邊享受美食，一邊傾偈。🕯️隔離直接就係室內嘅哥爾夫球場，可以睇到啲人喺度練習哥爾夫球嘅技巧，睇返自己打波嘅姿勢同埋動作，對於哥爾夫球愛好者或者零經驗人士來講都非常有趣！😆頭盤「自助沙律吧」好豐富，有拼盤—巴馬火腿、哈密瓜、意式腸，沙律有提供沙律菜🥗、青蘋果薯仔沙律🍏🥔、芝士西蘭花🥦等。餐湯有兩款：忌廉野菌湯、南瓜湯，仲附上烤焗過嘅蒜蓉多士同埋焗餐包。我哋食完都已經覺得飽咗一半。主菜我哋揀咗「蜜糖芥末燒豬鞍配蘋果蓉」同「海蝦辣椒蒜片意大利麵」，兩款都好好食，誠意推薦俾大家！燒豬鞍唔會好乾，肉質仲保持左啲Juicy嘅肉汁，叫七成熟都已經好好食，加埋旁邊嘅蘋果蓉味道非常開胃。海蝦辣椒意粉
Dinner Set 好抵食，非常豐富，包括自助沙律吧+前菜+主食+飲品，適合情侶們同埋一家大細喺普天同慶嘅聖誕佳節前往品嚐！我哋去嗰日都見到隔籬枱，有好多爸爸媽媽帶住小朋友去食，另外都有啲情侶慶祝聖誕節，氣氛好溫馨融洽！👨👩👧👦👨👩👧👧👨👩👦👦👩🏻❤️💋👨🏻👩🏻❤️👨🏻
呢度環境好別緻，燈光調暗後，成個氛圍都變得好浪漫。每張枱上面有花裝飾同蠟燭，加上枱與枱之間嘅空間都好足夠，好適合客人一邊享受美食，一邊傾偈。🕯️
隔離直接就係室內嘅哥爾夫球場，可以睇到啲人喺度練習哥爾夫球嘅技巧，睇返自己打波嘅姿勢同埋動作，對於哥爾夫球愛好者或者零經驗人士來講都非常有趣！😆
頭盤「自助沙律吧」好豐富，有拼盤—巴馬火腿、哈密瓜、意式腸，沙律有提供沙律菜🥗、青蘋果薯仔沙律🍏🥔、芝士西蘭花🥦等。餐湯有兩款：忌廉野菌湯、南瓜湯，仲附上烤焗過嘅蒜蓉多士同埋焗餐包。我哋食完都已經覺得飽咗一半。
主菜我哋揀咗「蜜糖芥末燒豬鞍配蘋果蓉」同「海蝦辣椒蒜片意大利麵」，兩款都好好食，誠意推薦俾大家！燒豬鞍唔會好乾，肉質仲保持左啲Juicy嘅肉汁，叫七成熟都已經好好食，加埋旁邊嘅蘋果蓉味道非常開胃。海蝦辣椒意粉蒜香味好重，原本好驚會太辣，結果好驚喜，辣度唔係好高，但係少少辣嘅味道特別惹味。入邊每隻大蝦都好爽彈鮮甜，肯定係新鮮貨。
最後梗係要食埋個甜品—「開心果焦糖燉蛋」啦！開心果味唔算好重，但係都食得出嘅。焦糖燉蛋表面層焦糖烤得幾香，但係個賣相都已經搶晒分數！😍
套餐包埋一杯免費嘅咖啡/茶，我哋食得太飽喇，就冇特別額外加錢升級其他飲品。杯咖啡係即磨咖啡，香味都濃郁，飲完嗰晚差啲瞓唔着。另一杯嗌咗朱古力，味道就普普通通啦，冇咩特別。🤣
特別注意，呢度係要收加一服務費㗎 ！不過要值得讚下呢度嘅店員服務真係好唔錯，非常有禮貌啦，然後又唔會周不時過嚟收走枱上面嘅碟，就算要收都係好有禮貌咁問一問你「仲要唔要嗰啲碟呀」先會收走，一啲都唔會覺得佢想催你走，服務💯分！
Post
