Video
Read full review
2017-05-10
264 views
香港人生活繁忙，平日放工已經日落西山，想出走戶外簡直係奢侈！位於太子始創中心的「野玩海店」是一間以陽光與海灘及水上活動為主題的餐廳，周圍都放滿與戶外運動有關的東西，好似滑浪板、水泡等等，喺餐廳一角重有一個供人夾band表演的地方，非常特別！餐廳提供的食物十分大眾化，二人餐都只係$398，「性價比」非常合理。除此之外，a la carte的食物選擇亦非常多，由幾十蚊的小食、一百蚊有找的意粉以至二百蚊唔駛既肉眼扒都有提供！Sunset ($45)︰這杯以西瓜、薄荷、檸檬及蜜糖炮製而成的沙冰非常解渴，最適合喺食完煎炸野之後飲返啖中和返果種熱氣既感覺。美中不足的是薄荷的份量好似重手左少少，令到薄荷的香味蓋過其他水果的味道，有D似食緊薄荷糖咁怪怪的！炸蠔配他他醬 ($68)︰蠔上面薄薄的炸粉厚度剛好，入口鬆化香脆得黎之餘又唔會「漿」住晒個口，令到蠔能夠保持juicy的感覺，配埋惹味的他他醬一齊入口時感覺更佳！炸軟殼蟹 ($78)︰可能因為蟹本身冇蠔咁juicy，所以整體感覺相對平實，同坊間經常食到的感覺差唔多，相對較為失色。不過，伴碟的醬料真係一流，蕃茄粒混合芒果的甜酸醬非常惹味，配埋軟殼蟹一起
餐廳提供的食物十分大眾化，二人餐都只係$398，「性價比」非常合理。除此之外，a la carte的食物選擇亦非常多，由幾十蚊的小食、一百蚊有找的意粉以至二百蚊唔駛既肉眼扒都有提供！
Sunset
$45
4 views
0 likes
0 comments
Sunset ($45)︰這杯以西瓜、薄荷、檸檬及蜜糖炮製而成的沙冰非常解渴，最適合喺食完煎炸野之後飲返啖中和返果種熱氣既感覺。美中不足的是薄荷的份量好似重手左少少，令到薄荷的香味蓋過其他水果的味道，有D似食緊薄荷糖咁怪怪的！
炸蠔配他他醬
$68
8 views
0 likes
0 comments
炸蠔配他他醬 ($68)︰蠔上面薄薄的炸粉厚度剛好，入口鬆化香脆得黎之餘又唔會「漿」住晒個口，令到蠔能夠保持juicy的感覺，配埋惹味的他他醬一齊入口時感覺更佳！
炸軟殼蟹
$78
2 views
0 likes
0 comments
炸軟殼蟹 ($78)︰可能因為蟹本身冇蠔咁juicy，所以整體感覺相對平實，同坊間經常食到的感覺差唔多，相對較為失色。不過，伴碟的醬料真係一流，蕃茄粒混合芒果的甜酸醬非常惹味，配埋軟殼蟹一起入口令人食慾大增！
周打海鮮湯
$78
4 views
0 likes
0 comments
周打海鮮湯 ($78)︰整晚相對較為失色的一道菜。雖然用麵包作容器盛載海鮮湯的concept不錯，而湯亦都非常足料好像大蝦同蠔等通通有齊，但$78的價錢相對來說絕對不便宜，建議留返D錢order其他菜色好過！
波士頓龍蝦泡菜炒飯
$198
6 views
0 likes
0 comments
波士頓龍蝦泡菜炒飯 ($198)︰份量方面真係完全「冇得輸」！用全隻龍蝦起肉，先混合泡菜及珍珠米一齊去炒，再喺上碟後砌返成隻龍蝦出黎這個concept真係吸精度十足！雖然夠晒惹味，但整體感覺有點偏鹹及較辣，如果唔食得辣的朋友記住要留意呀！
秘製德國豬手
$168
16 views
0 likes
0 comments
秘製德國豬手 ($168)︰絕對係不可不試的一道菜！坦白講，喺香港不同的餐廳大大話話都試過不下數十隻豬手，但能做到豬皮燒得香脆之餘又能鎖住肉汁，令到裏面的豬肉非常juicy的都係第一次食到！除左酸菜之外，值得一提的是非常creamy得黎卻不帶牛油感覺的薯蓉，非常適合著重健康的朋友！
整體來說今次的用餐體驗非常之好！除左食物質素中上，「性價比」一流之外，店員亦十分有禮細心為你解釋menu上不同的菜色，務求令你作出最佳選擇！就算係卡位裏面小小的一灘水，他們都會絕不求其馬上拖乾淨，中間幾個人夾埋差唔多講左20次唔好意思，搞到我都唔知點好！
Post
