HABO室內釣蝦場 (Closed)

HABO新蒲崗分店我已經去過好多次，近排知道佢哋沙田開咗分店喎，咁梗係去玩吓啦，呢度嘅裝修同新蒲崗分店有分別，沙田呢間係木系簡約日式設計，感覺好柔和舒服～我哋一入去店員就安排我哋嘅位置，跟住好細心講解釣蝦技巧，示範俾我哋睇，經過佢細心嘅指導，果然學以致用，我哋只係短短玩咗1小時$140釣蝦，其實好快都已經釣到，呢度仲可以將戰利品加工，如果用鹽燒就唔使另外加工錢，其他味就要加工費，例如我選擇咗營地醬油燒大蝦，加工費就要$30一斤～呢度仲有其他小食選擇，例如：秘製醬油燒花枝丸$40、秘製醬油燒雞翼$50～我本身好鍾意去釣蝦場玩，因為可以玩又可以食埋嘢，又唔使日曬雨淋，我哋已經book定位過兩個禮拜又約咗班friend一齊嚟玩，哈！