Video
Read full review
2018-09-07
1303 views
平時食嘢唔打食評，今次要寫下，長文慎入。自問喜愛飲食，又會煮返兩手。深深覺得係香港揾好嘢食仍然種類繁多，而且日日新款。但大多有如蔡生金句‘一剎那光輝唔代表永恆’一樣，只係一時噱頭，花巧十足，心機欠奉。香港社會步伐迅速，求快，揾快錢，合情合理，反正萬事都好快被人遺忘。但做好食物，又或做好一件事，‘比心機’係最重要。而‘比心機’我覺得係用時間同耐性，係一件事上面磨練同追求至極致。攞食物做例子，就係小至一對筷子，一滴麻油，一塊陳皮，一條雲呢拿條，都唔怕麻煩，唔hea咁，不停尋找同嘗試，直至揾到最好，最互相配合，最完美咁比食客有最佳體驗。係香港，係好難揾到呢種心機啦，萬幸，係呢到揾到。不過心機係香港呢種迫死人嘅社會係生存唔到嘅，最後我拋下書包：「室雅何須大，有麝自然香；夕陽無限好，只是近黃昏。」#魯肉餃麵#花膠吉品伊麵#手打魚腐碗仔翅#55年陳皮紅豆沙#大溪地雲哩拿雪糕#山楂茶#薑茶
自問喜愛飲食，又會煮返兩手。深深覺得係香港揾好嘢食仍然種類繁多，而且日日新款。但大多有如蔡生金句‘一剎那光輝唔代表永恆’一樣，只係一時噱頭，花巧十足，心機欠奉。
香港社會步伐迅速，求快，揾快錢，合情合理，反正萬事都好快被人遺忘。但做好食物，又或做好一件事，‘比心機’係最重要。而‘比心機’我覺得係用時間同耐性，係一件事上面磨練同追求至極致。攞食物做例子，就係小至一對筷子，一滴麻油，一塊陳皮，一條雲呢拿條，都唔怕麻煩，唔hea咁，不停尋找同嘗試，直至揾到最好，最互相配合，最完美咁比食客有最佳體驗。
係香港，係好難揾到呢種心機啦，萬幸，係呢到揾到。
不過心機係香港呢種迫死人嘅社會係生存唔到嘅，最後我拋下書包：「室雅何須大，有麝自然香；夕陽無限好，只是近黃昏。」
#魯肉餃麵
#花膠吉品伊麵
#手打魚腐碗仔翅
#55年陳皮紅豆沙
#大溪地雲哩拿雪糕
#山楂茶
#薑茶
Post
