滾得囍宮廷火鍋小炒

Open Now

Now Closed

朋友推介滾得囍宮廷火鍋，齋聽個名就好吸引，非試不可，呢晚來到門口就睇到裡面裝修非常宮廷風味。過年期間仲有一棵桃花樹開得非常靚，不過我無影到。入座後就睇到聖旨，接旨，大家都好興奮，不停咁影相，完全忘記落單，我哋6個人同行，為咗滿足大家既口味，朋友點咗兩個湯底，有辣有唔辣任君選擇，龍頭鍋好特別，感覺好霸氣。建寧公主麻辣卜卜蜆鍋，火紅既湯底，睇見都噴火，下面有大量卜卜蜆，不過蜆太多沙了，接受唔到囉。康熙花膠雞湯鍋，金黃色既湯底，非常濃郁既雞湯味，侍應叫我哋先飲咗湯再倒雞同花膠落去打邊爐，花膠非常厚，雞湯好好飲，我好鍾意養顏嗎⋯嚮鈴即炸非常新鮮，手打墨魚丸都非常彈牙，本地手切牛肉，唔知係切得太厚或是烚得太耐，口感麻麻，因為掛住食，好多食物都無影到，其中鴨血配麻辣鍋是非常好味推介。