Video
Read full review
2024-07-29
698 views
居酒屋裝潢非常和風，以木系為主，而四周嘅裝飾都同日本或者漁獲有關，非常有心思。Omakase (每位$980) 包括前菜、3道刺身、燒物、5件壽司＆飯、湯及甜品。前菜兩款前菜分別有秋葵伴蝦及黑蜜豆，蝦上面放咗梅醬，多份甜甜酸酸嘅層次，蝦肉亦好爽彈。刺身🍶石垣鯛配煎酒 - 餐廳用上宮崎熟成魚，呢個石垣鯛係其中一款，熟成咗6日，採用津本式究極血拔法熟成嘅魚，魚肉會更鮮味，刺身口感更正。食嘅時候配上煎酒，再加啲紫蘇花令香味更突出。🍶鰹魚配野菜柚子醋 - 鰹魚係另一款熟成魚，熟成5日，柚子醋混合咗蘿蔔及洋蔥絲，配搭底嘅薑絲帶點清爽。🍶可愛鯖配煙燻芝士 - 來自鹿兒島嘅可愛鯖，非常肥美，輕輕火炙過入口溶化，好吃!燒物師傅話依加係香魚嘅當造季節，所以十分肥美，入面滿滿魚春，魚肉好鮮嫰，帶點甘味。壽司🍶 深海池魚 - 來自大分縣嘅深海池魚，魚油甘香，非常爽口。🍶 拖羅鮫 - 火炙過嘅拖羅鮫油脂好豐富，用紫菜包住加上炸香蔥令壽司更香，好吃。🍶 石垣貝 - 師傅上枱前會大大力拍石垣貝一下，話咁樣係新鮮，而石垣貝非常鮮甜彈牙。🍶 海膽飯 - 用上北海道赤海膽，師傅會先混合海膽同米飯，最後再加上厚厚一層海膽
Omakase (每位$980) 包括前菜、3道刺身、燒物、5件壽司＆飯、湯及甜品。
前菜
兩款前菜分別有秋葵伴蝦及黑蜜豆，蝦上面放咗梅醬，多份甜甜酸酸嘅層次，蝦肉亦好爽彈。
刺身
🍶石垣鯛配煎酒 - 餐廳用上宮崎熟成魚，呢個石垣鯛係其中一款，熟成咗6日，採用津本式究極血拔法熟成嘅魚，魚肉會更鮮味，刺身口感更正。
食嘅時候配上煎酒，再加啲紫蘇花令香味更突出。
🍶鰹魚配野菜柚子醋 - 鰹魚係另一款熟成魚，熟成5日，柚子醋混合咗蘿蔔及洋蔥絲，配搭底嘅薑絲帶點清爽。
🍶可愛鯖配煙燻芝士 - 來自鹿兒島嘅可愛鯖，非常肥美，輕輕火炙過入口溶化，好吃!
燒物
師傅話依加係香魚嘅當造季節，所以十分肥美，入面滿滿魚春，魚肉好鮮嫰，帶點甘味。
壽司
🍶 深海池魚 - 來自大分縣嘅深海池魚，魚油甘香，非常爽口。
🍶 拖羅鮫 - 火炙過嘅拖羅鮫油脂好豐富，用紫菜包住加上炸香蔥令壽司更香，好吃。
🍶 石垣貝 - 師傅上枱前會大大力拍石垣貝一下，話咁樣係新鮮，而石垣貝非常鮮甜彈牙。
🍶 海膽飯 - 用上北海道赤海膽，師傅會先混合海膽同米飯，最後再加上厚厚一層海膽及三文魚子，啖啖都係海膽嘅鮮甜。😊
🍶 拖羅手卷 - 香脆紫菜包住拖羅蓉及細蔥，仲有紫蘇葉。
湯品
食完仲有蜆肉味噌湯，蜆肉好飽滿，食完飲個熱辣辣嘅湯好舒服。
甜品
甜品係時令水果，來自山梨縣嘅水蜜桃，清甜多汁。
Post
