Video
Read full review
2018-04-19
275 views
上次，朋友特別推介韓舍新出嘅<<韓式宮廷海鮮鍋>>，又話材料上乘，海鮮出眾等等。咁我同妹妹見今晚有時間，就決定上去一窺全豹。我地等左大約5分鐘，就入得去啦！店內裝修不凡，雖然睇落好簡單，但又隱隱帶點神秘感。踏入大門，我地就見到一個糕點櫃，裝住各式各樣嘅布丁，朱古力Mousse cakes，芝士蛋糕之類......唔講我地重以為行緊去甜品專櫃添！雖然我地都好想即刻拎番幾件甜品，但頭腦清醒嘅我地，仍然好記得今晚黎韓舍嘅主要目的 -- 食海鮮!!!<<韓式宮廷海鮮鍋>> - 每人$328妹妹想食得清淡少少，就order豬骨湯做火鍋湯底。成個鍋一上爐，我地忍唔住大叫出黎。因為躺臥中央嘅龍蝦大哥，竟然突然爬左起身; 而隔離嘅海蝦同麪包蟹，都有蠢蠢欲動之態。好彩侍應哥哥眼明手快，即刻㩒實隻龍蝦，然後開火。大約煮左20分鐘左右，成盤海鮮就熟哂喇!係淡淡嘅湯底包圍下，扇貝，蟶子，鮑魚等鮮味全部表露無遺。食左部分海鮮之後，我地都落力食番唔少蔬菜同秋葵，因為我地都支持均衡飲食嘛~食左咁上下，我地就去飲品吧拎野飲。值得一提嘅，係除左普通茶，汽水
咁我同妹妹見今晚有時間，就決定上去一窺全豹。
我地等左大約5分鐘，就入得去啦！
店內裝修不凡，雖然睇落好簡單，但又隱隱帶點神秘感。
踏入大門，我地就見到一個糕點櫃，裝住各式各樣嘅布丁，朱古力Mousse cakes，芝士蛋糕之類......唔講我地重以為行緊去甜品專櫃添！
雖然我地都好想即刻拎番幾件甜品，但頭腦清醒嘅我地，仍然好記得今晚黎韓舍嘅主要目的 -- 食海鮮!!!
韓式宮廷海鮮鍋
$328
38 views
0 likes
0 comments
<<韓式宮廷海鮮鍋>> - 每人$328
妹妹想食得清淡少少，就order豬骨湯做火鍋湯底。
成個鍋一上爐，我地忍唔住大叫出黎。因為躺臥中央嘅龍蝦大哥，竟然突然爬左起身; 而隔離嘅海蝦同麪包蟹，都有蠢蠢欲動之態。
好彩侍應哥哥眼明手快，即刻㩒實隻龍蝦，然後開火。
17 views
0 likes
0 comments
大約煮左20分鐘左右，成盤海鮮就熟哂喇!
係淡淡嘅湯底包圍下，扇貝，蟶子，鮑魚等鮮味全部表露無遺。
食左部分海鮮之後，我地都落力食番唔少蔬菜同秋葵，因為我地都支持均衡飲食嘛~
食左咁上下，我地就去飲品吧拎野飲。值得一提嘅，係除左普通茶，汽水之外; 竟然重有一個「清酒自隊區」，畀人大飲特飲。
我地食完海鮮火鍋之後，就想涮下新鮮肉類。唔講唔知，原來我地可以自由拎肉類做火鍋材料架。
無論係咩口味，醃料嘅肉類，呢度都應有盡有。
如果想食熟食，呢度都一應俱全架!
至於壽司，刺身迷都唔怕無著落，因為大家可以隨便因應食量，拎壽司同order刺身架。
三文魚 (左) 鮑片(右)
13 views
0 likes
0 comments
呢款就係我哋排長龍，先拎到嘅三文魚同鮑片。我地好開心今次可以食到肥美鮮嫩嘅三文魚腩。無錯，係三文魚腩呀，呵呵！！
炒雪糕
30 views
0 likes
0 comments
食飽正餐，我地當然要食番個甜品啦！
行左一圈，我地發現自己可以根據口味，揀出棉花糖，朱古力粉等配料，炒出獨一無二嘅士多啤梨雪糕。
鱆魚小丸子
15 views
0 likes
0 comments
我係炒雪糕個陣，妹妹就係旁邊自製鱆魚小丸子。
原來要簡簡單單燒幾粒鱆魚丸子，真係一啲都唔簡單。好彩最後佢都燒出幾粒香噴噴，見得人嘅丸子出黎。
好啦，食咗咁多野，真係要「收手」啦！妹妹拎左一細杯爆谷，就笑嘻嘻咁挽住我隻手離開啦！
Post
