韓舍 (Closed)

同事最近話創興廣場9樓有間韓舍係食韓燒放題，食物質素高，環境重有酒店般瑰麗堂皇，一於星期六放假同honey去試試。一入去呢間韓舍感覺置身於酒店餐廳咁，環境優雅，光線充足，地方寬敞，座位舒適又闊落，每張枱上都有獨立抽風系統，唔會令到成身都係燒烤味👍開放式睇到師父現場製作甜品另一角又係開放式處理成條三文魚刺身、壽司，令食客感覺衛生食得安心。有自助果汁同多種咖啡供選擇。最特別係有小朋友最喜歡的D.I.Y格仔餅、雪條、炮谷同叮叮蛋糕，見佢哋自己製作出嚟嘅食物好有滿足感👏🏻食物琳琅滿目，擺設乾淨又整齊。各種生嘅肉類醃得入味,入口感覺肉質鮮嫩，沙律菜夠新鮮，冷烏冬清爽有口感。呢款木瓜紅棗雪耳南北行糖水甜品材料十足甜度適中。同事今次真係冇介紹錯，下次要拉大隊再嚟食多餐。