18樓雞煲火鍋專門店

Open Now

Now Closed

今日同男友嚮旺角睇完戲之後都9點幾10點，好多餐廳都last order了，難得搵到呢間開到凌晨三點，仲要係食我最愛嘅雞煲，當然二話不說即刻上去試吓~ 估唔到我哋閑日夜晚咁夜先去，餐廳入座率都超過一半，睇嚟質素應該相當唔錯~ 餓到不得了嘅我哋落完單就即時衝咗去攞嘢飲同雪糕，好開心有我中意嘅原味乳酪雪糕~ 食咗一兩杯之後雞煲就到咗~ 呢度嘅雞煲都非常合我心意，調味正正係我鍾意嗰種濃濃嘅麻味同咸味，最好就係唔會太辣，真係令人一啖接一啖停唔到口我本人食雞煲最唔鍾意就係水汪汪嗰種，當然要開頭食濃味嘅雞煲，後加湯打邊爐先係最正~ 食完個雞煲之後都飽咗一半，係時候要加湯打邊爐，雖然好夜，但餐廳食物供應量都非常充足，唔會話乜都賣晒，所以呢度真係好適合一眾夜鬼過黎，食吓嘢吹吓水，餐廳有唔少卡位都幾好坐，兩個鐘眨吓眼就過