古老燒鵝大王

Open Now

Now Closed

呢間小店係觀塘街坊介紹嘅，夜晚九點之後先會有糯米飯，麻辣粉面等等買。今日專程九點後過嚟試吓佢嘅糯米飯，去到小店都真係幾多人買緊佢嘅宵夜，我嗌左一碗糯米飯加臘腸，只係$30 ，性價比超高。仲要係份量好多，有啲菜脯粒，同花生粒加葱都好香。之前喺灣仔一間食糯米飯嘅都幾出名，一碗好細碗已經唔止$30 ，所以呢間真係好抵食，最緊要係平之餘都好好味。記住趁熱食，因為凍咗之後糯米飯就好容易黐埋一舊，同埋會有啲油。都幾建議觀塘附近嘅街坊可以揀呢間小店做宵夜。