Video
Read full review
2021-09-24
62 views
「喂，聽日就考啦喎，你溫成點呀？」數學一竅不通既我，對於聽日要面對DSE數學科，真係又慌又亂。好後悔高中3年冇好好溫書，眼見得返12個鐘就要應考，緊張到手都震埋。「唉……仲問！希望合格啦！」我垂頭喪氣咁答佢。「使唔使教下你呀？」佢見我不知所措，又擔心我真係會fail，所以提議幫我惡補下。同我正好相反，佢係數學天才，啲數睇一次就識。雖然識左佢3年，幾乎日日都一齊上堂，但我啲數學成績永遠同佢差一大截。「得返12個鐘咋喎，咁短時間冇可以識晒……」「我盡力教你啦。」就係咁，佢好用心咁將我唔識計既都講解一次。佢果然係學霸，聽佢解釋完之後，原本唔識既topic都大概知道講緊咩。時間過得好快，轉眼間就已經夜晚11點。「不如落樓下食啲野？」佢提議。「好夜啦喎，仲有餐廳開緊咩？」「樓下有間小憩片刻，開到12點架。岩晒我地啦，讀左咁耐真係要小憩片刻！」買左外賣上去，我地就開餐啦。溫左咁耐書，大家都好肚餓。「哇，好香喎個湯。」我一打開個蓋，就聞到好香既雞湯味。我叫既係椰子雞湯配飯，雞湯好濃而且重椰香。雞肉份量好多，肉質嫩滑，啖啖肉好正！雞湯因為加左椰子，甜甜地，而且完全冇味精，可以成碗飲晒！「我叫左蟲草花膠
「喂，聽日就考啦喎，你溫成點呀？」
數學一竅不通既我，對於聽日要面對DSE數學科，真係又慌又亂。好後悔高中3年冇好好溫書，眼見得返12個鐘就要應考，緊張到手都震埋。
「唉……仲問！希望合格啦！」我垂頭喪氣咁答佢。
「使唔使教下你呀？」佢見我不知所措，又擔心我真係會fail，所以提議幫我惡補下。
同我正好相反，佢係數學天才，啲數睇一次就識。雖然識左佢3年，幾乎日日都一齊上堂，但我啲數學成績永遠同佢差一大截。
「得返12個鐘咋喎，咁短時間冇可以識晒……」
「我盡力教你啦。」
就係咁，佢好用心咁將我唔識計既都講解一次。佢果然係學霸，聽佢解釋完之後，原本唔識既topic都大概知道講緊咩。時間過得好快，轉眼間就已經夜晚11點。
「不如落樓下食啲野？」佢提議。
「好夜啦喎，仲有餐廳開緊咩？」
「樓下有間小憩片刻，開到12點架。岩晒我地啦，讀左咁耐真係要小憩片刻！」
買左外賣上去，我地就開餐啦。溫左咁耐書，大家都好肚餓。
「哇，好香喎個湯。」我一打開個蓋，就聞到好香既雞湯味。我叫既係椰子雞湯配飯，雞湯好濃而且重椰香。雞肉份量好多，肉質嫩滑，啖啖肉好正！雞湯因為加左椰子，甜甜地，而且完全冇味精，可以成碗飲晒！
「我叫左蟲草花膠雞湯配飯。」佢飲左一啖湯，之後露出好滿足既表情。「好好飲呀！有啖啖既蟲草味，濃度岩岩好唔會蓋住雞湯既鮮味。試埋啲串燒？」
「金菇肥牛卷好正！啲金菇吸左啲汁好入味。」
「豬頸肉燒得好脆！而且加左調味料，燒得好入味！」
就係咁，餓左成晚既我地好快就食晒枱上既食物。聽日9點開考，希望一take pass!
Post
