常嚐食•深燒堂 (Closed)

之前係旺角比賽後肚餓於是去左這間串燒店醫肚，咁餐廳雖然細細間，但食物種類都幾夠，我就同隊友點左燒通菜、燒蟶子、燒牛舌、蒜蓉燒茄子、燒羊腩同燒烏頭。每道菜式的味道都唔錯的，特別係燒羊腩，因為比較少串燒店有，同埋餐廳都真係煮得幾好，入味又夠淋身，而且冇「蘇」味，烏頭都係餐廳推介，魚身都幾滑。不過餐廳的煮法相對比較單一，都係用同一種調味料煮，雖然好味，食耐左味道會有少少似。不過值得一讚的係，餐廳味精應該落得唔重，我同隊友食完都唔會有口乾的感覺。