靚煲皇 (Closed)

疫情之後好多餐廳都好早收，同朋友睇完戲都已經成十點，苦惱緊去邊度食野。好彩睇openrice見呢間餐廳收半夜四點，咁就啱晒我地可以一路食一路傾。夜媽媽最啱食重口味既麻辣雞煲，個煲一上枱已經非常香，再炒一下更加惹味。食落麻味豐富，同出面其他雞煲好唔同。雞件夠滑，每件都啖啖肉。另外叫左熟食，自家製脆香雞軟骨，夠乾身，個皮唔會好油既感覺。有少許蒜香味，香口野最啱宵夜食。冷盤有特色白滷水拼盤，有鴨件，腎，腸等等，滷得好入味，酸酸地送埋酒一齊食最啱最開胃。一路慢慢食食到半夜，而家香港真係好少有開到咁夜既餐廳。