靚煲皇 (Closed)

周六晚上，終於同到一班老友食宵夜,我地黎左旺角靚煲皇,依度方便大家返屋企,因為成11點先開始食,大家食完都要坐通宵VAN返屋企啦入到去，環境非常闊落、寧靜。打邊爐嘅環境抽風都做得幾好。4人打邊爐都會安排較大嘅桌，醬料都是每桌提供。今次就叫左個可以話最浮誇嘅麻辣盤烤魚真係好足料。除酸辣湯,仲有好大條魚,味道好新鮮湯底味香噴噴，有成條大魚收埋係入面，食咩都可以享盡滋味。魚肉肥美鮮甜,份量極多,大家都爭先恐後咁搶黎食之後食左美國桶蠔，好大隻口感好豐富，加埋湯底辣辣地幾好食。個辣湯真係好吸味,味道好正芝心丸,溶晒嘅芝士配埋湯底入口超爽,芝士味配埋酸辣味原來都可以咁好食炸芋頭可以話近期話題之作，芋頭炸到金黃酥脆，唔捨得放入鍋太耐浸軟曬。一咬開芋頭香氣已經係口內瀰漫住，爽口彈牙。靚煲皇真係可以令到整餐邊爐都好似享受人生一樣，食材都盡顯氣派。宵夜時段都幾多人,可能因為有波睇啦