添記糖水 (Moved) New Location

夜晚打完波，想同啲朋友食翻個甜品，去天水圍ganggang嘅新北江商場度食就最好了。呢間小店都幾難搵，都行咗陣先搵到，因為佢都喺啲好入唔算太起眼嘅地方。叫咗個芒果滑粉食，上面係一啲芒果冰，下面就係啲滑粉，同啲糖水椰奶。撈埋佢地一齊食，佢個芒果味都突出喎，味道唔錯。佢下面個滑粉都真係幾滑，加埋一齊食都幾唔錯，成個味道甜甜地，有啲芒果味，而且冰涼透心，喺啲熱到爆嘅天氣下面食，真係一流。而且價錢合理，夜晚做宵夜一流。