風彩餐廳

Open Now

Now Closed

每逄星期三我同衰佬都要做GYM，跑跑跳跳爆吓汗，為咗令自己可以有更多既Quota食好嘢。一般做完沖埋涼都已經十點幾，周圍啲餐廳就算無關門都Last order趕你走，難得風彩係開24小時，幾夜黎食都可以。佢個舖位喺佐敦道，喺正我返屋企嗰架巴士站旁邊，一食完就可以跳上巴士閃人。同衰佬一人叫咗個餸食，分別係魚香茄子炆班腩及西檸汁軟雞柳。首先要讚吓個例湯，滿滿的一碗，內有合掌瓜及豬肉，好夠味，不過如果可以唔好咁咸就真係十足屋企媽媽啲靚湯。魚香茄子炆班腩－明明做完運動好餓，不過都食唔晒，因為份量真係好多，小菜夠鑊氣。西檸汁軟雞柳－西檸芡汁好杰身，酸酸甜甜，整體上同魚香茄子炆班腩一樣都係好啱配飯食。小插曲係食到咁上下有姐姐清潔拖地，但可能漂白水落得太多，拖完之後變得好臭，整個食嘢既胃口都無晒。