芋圓一 (Closed)

桂花糖芋圓 $36，甜品遇上桂花通常就唔怕食滯，桂花嘅清香浸住芋圓令到味道點解特別。最緊要係甜度適中，芋圓同埋白玉丸子堅韌程度啱啱好，唔會太癡或者煮軟到一Pat嘢咁。仲有顏色好靚，出邊食啲芋圓通常都剩係得紫同黃色，係好少搵到橙蕃薯，而且呢度三隻唔同顏色都食得出番薯同芋頭嘅味道分別，唔係得個樣。另外小食方面叫咗煎餃子，餃子都整得好脆，餡配埋醬油真係好好味，但問題份量係得個幾隻唔係好夠食🤣整體來講賣相同味道都好吸引，同區糖水舖中都算係比較優質。